منتديات العيساوية - :: اللهجة الفلسطينية القديمة

منتديات العيساوية (http://www.esawiah.com/vb/index.php)

- العيساوي العام (http://www.esawiah.com/vb/forumdisplay.php?f=2)

- - :: اللهجة الفلسطينية القديمة :: خصائص واشياء (http://www.esawiah.com/vb/showthread.php?t=39691)

:: اللهجة الفلسطينية القديمة :: خصائص واشياء

[align=center]

إخواني وأخواتي الكرام
موضوع اليوم عن اللهجة الفلسطينية القديمة ويمكن ما زالت لحد اليوم
تتميّز اللهجة الفلسطينية بالتنوع الواضح في نطق بعض الحروف بالانتقال من منطقة لأخرى
في فلسطين و الامثلة على ذلك كثيرة و منها :

* الكشكشة :
و هي الاكثر رواجاً ، و تصبغ لهجة الفلاّحين بطابع قروي صميم فالقروي الفلسطيني
يقلب حرف الكاف الى شين معطشة (اي ما يُشبه حرف Ch باللغة الانجليزيّة)
فيقول تشيف حالك (مثل فلاّحين طولكرم) تشيف حالتش (مثل فلاّحين رام الله) .

* العنعنة :
عنعنة تميم ، و هي ابدال الهمزة عيناً ، ظاهرة ما زالت متفشيّة بين البدو شبه الرحّل ،
و كذلك بين عدة قرى فلسطينية ، فهم يقولون (عن) بدلا من (ان) ...مثل :
(خطر في بالي عن ازور عمي) و يقولون (لع) بدلاً من (لا) .

* كسر الحروف الاولى :
من افعال المضارعة من مثل ( نِِلعب / نِدرس ) بدل من ( نَلعب / نَدرس )
و يرجع هذا الى قبيل (بهراء من قضلعة).

* ابدال حرف الضاد (ض) :
إلى حرف الظاء ( ظ) مثل (ظربني) بدلاً من (ضربني)...(فظّه) بدلاً من فضة.

* قلب حرف القاف :
الى همزة و ذلك في المدن فقط يقولون (اتل) بدلاً من (قتل)...

* قلب حرف القاف :
الى كاف و ذلك في القرى فيقولون ( كتل) بدلاً من (قتل)

* تضخيم حرف القاف :
مثل الجيم المصرية او القاف البدوية الخليجية و ذلك في قطاع غزّة.

* قلب العين نوناً :
فيقولون(انطيني) بدلاً من (اعطيني)، و هي لهجة يمنية
أصلاً و بدوية و يستخدم هذا اللفظ غالباً في شمال فلسطين.

* قلب الهمزة (واو) :
فيقولون (وين) بدلاً من (أين).

* زيادة شين في آخر الكلمة للنفي :
فيقولون (ما لعبتش) بدلاً من (ما لعبت).

* زيادة صوت السين الى حرف التاء :
فيقولون(انتسو) بدلاً من (انتو) و ذلك في الخليل فقط.

* اختصار بعض الكلمات و الاختزال :
فيقولون (هسّاعه او هسّاع) بدلاً من (هذه السّاعة)
و قد كثر استعمال هذا اللفظ بالذات في شمال فلسطين
بينما يستخدم اهالي المناطق الوسطى للمعنى نفسه (هلّق أو هلقيت)
اختصار للعبارة (هذا الوقت).

كلكم...(مخاطبة الكل)

دمتم بخير

[/align]

رد: :: اللهجة الفلسطينية القديمة :: خصائص واشياء

* قلب الهمزة (واو) :
فيقولون (وين) بدلاً من (أين).

* زيادة شين في آخر الكلمة للنفي :
فيقولون (ما لعبتش) بدلاً من (ما لعبت).

\\
بتهيألي الشغلتين هدول منتشريين عنا اكتر اشي
بصراحة شو ما كانت لغتنا انا كفلسطينية بفتخر فيها لانو من جهتي ما في احلا منها وما في احلا من الشخص اللي بعتز بلغتو ..

رووز يسلمو حبيبتي
موضوعك في غاية الروعة
دمتِ لنا
اختك
يارا

رد: :: اللهجة الفلسطينية القديمة :: خصائص واشياء

شكرا يا روز على الموضوع الرائع جدا جدا

بالفعل في كتير اشاء بنحكيها مثل هيك

و بالنسبة الي انا بحكي فيهم كلهم ( لأنه عائلتي مشكلة )

ابوي خليلي و امي فلاحه

و جدتي ام ام من الشمال و امهها لبنانية

طلعت مشكل اللهجة و كل صحابي بيستغربوا انه بحيكي مع اي حدا بلهجته بصورة جيدة

رد: :: اللهجة الفلسطينية القديمة :: خصائص واشياء

اقتباس:

المشاركة الأصلية كتبت بواسطة YâŖâ (المشاركة 490800)

بتهيألي الشغلتين هدول منتشريين عنا اكتر اشي
بصراحة شو ما كانت لغتنا انا كفلسطينية بفتخر فيها لانو من جهتي ما في احلا منها وما في احلا من الشخص اللي بعتز بلغتو ..

هو احنا في بعد لغتنا احلى اشي احنا :woohehe:

اقتباس:

المشاركة الأصلية كتبت بواسطة YâŖâ (المشاركة 490800)

رووز يسلمو حبيبتي

موضوعك في غاية الروعة
دمتِ لنا
اختك

يارا

يا هلا يروش نورتي الموضوع

اقتباس:

المشاركة الأصلية كتبت بواسطة Ballack (المشاركة 490810)

شكرا يا روز على الموضوع الرائع جدا جدا

العفو بلاك

اقتباس:

المشاركة الأصلية كتبت بواسطة Ballack (المشاركة 490810)

و بالنسبة الي انا بحكي فيهم كلهم ( لأنه عائلتي مشكلة )

ابوي خليلي و امي فلاحه

و جدتي ام ام من الشمال و امهها لبنانية

طلعت مشكل اللهجة و كل صحابي بيستغربوا انه بحيكي مع اي حدا بلهجته بصورة جيدة

يخليلك هالعيله الكريمه

شكراً لمروركم

رد: :: اللهجة الفلسطينية القديمة :: خصائص واشياء

موفق بإذن الله ... لك مني أجمل تحية .
شكرا الك اختي روز على الموضوع الجميل
لغة الفلسطينين احلى اشي
شـكــ وبارك الله فيك ـــرا لك ... لك مني أجمل تحية .