1- هل تفعل ما تقوله هنا بالمنتدى ؟
ممممم... انا غبت شوي عن المنتدى علشان التوجيهي بس الحمدلله راضية عالمنتدى لانو بمنتدى كتير حلو والمدير ماشالله علي علي عقل بوزن بلد والي بشوفوا منيح بعملو اكيد وانا راضية والي بدي ياه بعملو لانو بعمل كل شي حسب شروط المنتدى وما بتعدى حدودي....
2- ما ردة فعلك عندما يقول لك حبيبك : أحبك نعم أتزوجك لا ؟
شو بدي في ازا بدو يحبني وما اكون إلو؟؟!!
وبعدين معروفة يعني ازا واحد ما كان يحب حب صادق وحب حبيبتو من قلبو وعارف مين هي حبيبتو وشو اخلاقها اكيد وقت الجيزة بروح بقولوا لامو شوفيلي بنت الحلال وهو بكون مش مخلي بنت من شروا... ما في حب هالاياااام رااح الحب تاع زماااان
بس ياااا ريت لو كل واحد بفكر بأختو وبقريبتو لما بدو يحب انو بقبل عليهم هيك شي ؟؟؟ او واحد يجي يضحك عليهم ويتهبل متل ما بتهبل على بنات العالم ..... نفسي شب يجاوب جواب ويفش قلبي بجابو بس جواب معقول يكون ويفهمني ليش هيك بعملو وبفكروا بهالطريقة بس اكيد مش الكل ما منجمع احنا...
3-ماذا ستكتب لنا لتعبر عن حياتك التي عشتها الى الان في كلمات قليله ؟
حيااة حلوة
كان فيها الفرح والمرح وكلو حلو وكان فيها اكيد كم شغلة حزن الا يخلى الامر يعني
ونفسي ارجع لايااااام المدرسة واكتر شي بمرحلة الثانوية والاخص التوجيهي ياااا ريت لو ترجع اياموو
4-اذا اردت ان تبكي من ستختار ليمسح دموعك ؟
ماما وبابا.....
5-لو خيروك بين حبيبك وبين اعز صديق فمن تختار ؟
ممممم... سؤال صعب بالنسبة للي بحبو لانو انا ما حبيت....
بس مرات وكتييييييير الحبيب ما بدوم قليييييل ازا منلاقي حب صادق وجدي
وكمان ما بتأدر الوحدة تستغني عن حبيبها
وكمان ما بتأدر تستغني عن اعز صديق
انا بختار التنين مع اني ما بحب...... بس هاي وجهة نظري ازا حبيت
6-من يسكن قلبك؟
مممم... الله من بعدو .....اهلي وصحباتي والناس الي بحب الكل بس الناس درجات اكيد
7-هل تعتقد ان حظك سيئ؟
لا الحمدلله .... بس يعني الدنيا يوم ليك وعشرة عليك بس الحمدلله حظي حلو بس الا ما يتعركش كم شغلة
8-هل تدخل الشات ؟
نو نو نو نو نو
ولا زيارة ولا شي الحمدلله لانو هبل ما شفت هبل متلو ولا اهبل من الي بفوت عالشات
9-((مستحيل انساك)) لمن تقولها ؟
لاهلي ولصحباتي والكم ولكل الي بعرفهم ازا صار وسافرت الله اعلم لهلء.............
10-(( انت كل شيء بحياتي )) لمن تقولها ؟
ممممم.... كلمة بتنقال لحبيب بس انا ما بحكيها لا حبيب ولا شي ازا صار خطيب منحكيها اما قبل مستحيل
ومن الناحية التانية انا بحكيلها لاهلي اكيد لانهم همة حياتي ودنيتي كلها
11-متى اخر مره بكيت؟
ممممم... اليوم الصبح كنت احكي مع ماما بشغلة وصرت ابكي ومرات هيك من دون سبب حالتي ميؤوس منها هههههههههه بمزح مش تصدقوا وتقولوا عنا وحدة مجنونة بالمنتدى
12-اي الدول تتمنى ان تزورها ؟
لبنان...سوريا... ماليزيا.... الي بروح على هالدول يعمل معروف معي ويحطني بالشنتة تاعتو هههههههههههه
13-هل انت راضي عن نفسك ؟
الحمدلله....
14-بماذا تقر وتعترف أمامنا الان ؟
والله ما عملت شي غلط يا بي هههههههههههه
ما في شي اعترف في ادامكم الحمدلله ما عندي اسباقيااات
15-اغمض عينيك دقيقه لو سمحت, ماذا خطر على بالك وانت مغمض العينين ؟
مممممم.... اكتر من شغلة.. ومنهم نجاحي انشالله ادعوووولي
16-هل من الممكن ان تتحول الصداقه الى حب ؟
ممممم.... ممكن ما في شي لاا بهالدنيا
17-هل كنت السبب في يوما من الايام ان تدمر حياة شخص سواء العمليه او الاجتماعيه او العاطفيه؟
مستحيييييييييييل... بالنسبة الي مصلحة اجتماعية ههههههههه الي عندو مشكلة وخصوصا العاطفية بتلاقي حكى معي والحمدلله انا بحب هالصفة الحلوة الي فييي وبتلاقي عندي حلول لكل شي
والي عندو شي مشكلة شو ما كانت اهلا وسهلا في بأي وقت
18-من هو اكثر شخص تفكر فيه؟
مممم....
شخص شخص شخص..... ولا شخص
19-هل تكره شخص بشده في حياتك ؟
الحمدلله صفة الكره مش بشخصيتي ولا بعرف اكره بني ادم
والي بكون مدايقني بس اشوفوا بنسى كل الزعل الي عملو وكل شي عملو معي وبصير اضحك واحكي معو وكانوا شي طبيعي ولا عامل شي
20-هل ملابس الشخص امامك تؤثر فيك لتأخذ عنه انطباع ؟؟
ممممم.... مش دايما
في مثل بقول ازن مثل ما بعرف اناا... من برة هالله ومن جوا يعلم الله يعني يمكن يكون مشخص/ة بس قلبهم وطبيعتهم من جوا غير شكلهم من برة
21-ماالذي يلفت انتباهك بسرعه في الشخص لكي تعجب به ؟
ادبو واخلاقو وطريقتو بالحكي واخر شي شكلو
22-حكمة تؤمن بها جدا؟؟
هي مش حكمة بس عبرة وبحبها كتير وبتمنى كل الناس بتفهمها فهم مع القراءة مش بس قراءة
إذا كان هناك من يحبك فأنت إنسان محظوظ وإذا كان صادقاً في حبه فأنت أكثر الناس حظا
23-عاده تفعلها دائما تتمنى ان تتركها ؟
الا ما يكون في شي عادة عند الانسان بحب يتركها بس هلء ما في شي ببالي مش متزكرة انو في عادة هالقد مأثرة علي
24-ماذا تفعل اول شيء اذا ربحت ملايينا او مليونا عشان مانكون طماعين؟
بعمل في مشاريع الخير وبعطي الناس المحتاجة
ولاهلي وارايبي وللي بطلب مني وبعمل شيك مفتوح لاي شخص ولا يهمكم بس...
25-مارأيك في صاحب الموضوع بصراحه ؟
انا رجعت من الامتحانات لقيت عضو حلو كتير ومشاركتو حلوة كتير وهي طبعا انتي يا ساندرا ماشالله عليكي
وكل الاعضاء بالمنتدى مميزين باشياء كتيرة
وسؤال من عندي
هاتي رايك فيني وبالحكي الي حكيتو واي تعليق على كلامي انا جاهزة طبعا