روح يا عماد الله يوفقك وتصير مراقب انت كمان...منشان ابقى ازكرك واقلك (من راقب الناس مات هما)ههههه
اما بخصوص اسئلتك....او بالاحرى سؤالك الوحيد وهوه عن سر نجاحي.....
فانا بدي اقلك شي الك ولكل الاعضاء... الواحد ما بينجح بشي...الا لما يكون بحبو بجد....
وانا ما تتصوروا اديه حبيت المنتدى هادا....
طبعا بالبدايه وبكل صراحه نجاحي ما كان بسبب حب المنتدى...نجاحي كان بسبب الغيره....
اه الغيره...
بعرف انو كلامي غريب شوي بس هاي هيه الحقيقه....
في بداياتي...كنت ادخل ع المنتدى وكان في عضوه من العضوات الها شعبيه كبيره جدا....
وكنت انا كتير مستغربه...انو المنتدى مليان اعضاء كيف هاي العضوه قدرت انها تكسب الكل ويكون سيطها هالقد قوي بيناتهم...
ومن وقتها وانا بعمل كل شي لحتى اقدر اكسب محبة الاعضاء.... بس باليوم اللي صرت فيه مشرفه (قبل سنه تقريبا) اتأكدت انو مش هادا الهدف من المنتدى...يعني اكيد انا لما اكتب شي هدفي ما بكون اني اخلي الاعضاء يحبوني او اني اكسب صداقات...
يومها حسيت انو لما اكتب شي لازم اعبر من خلالوا عن شخصيتي...ومن خلال تقديم حالي بالطريقه الصحيحه الاعضاء ح يحبوني ويحترموني...
وهادا اللي عملت عليه وبتمنى اني اكون قدرت انجح فيه....
اما بخصوص العضوه اللي خلتني ابدأ باول خطوه.....
فأنا فعلا ما بعرفها....
وكل اللي بتزكروا انو اسمها كان هبه او هبو او هيك شي....
بس بجد بشكرها من كل قلبي....
وبشكرك اخي عماد لانك زكرتني باشيا كدت اني انساها
ليل الهجر
|