السلام عليكم ورحمة الله وبركاته ..
تحية طيبة معطرة برائحة الحب الاخوي الذي اكنّه لكم جميعا...
اول اشي انا اسف ع تاخري في الرد لاني صارلي فترة مشغول وما بدخل ع النت كثير ..
ثاني اشي اسمحولي ارد ع الاسئلة بما اني بكيت مشرف ع قسم اخبار البلد ..
1) سبب اختيارك لاسمك المستعار؟؟؟
بصراحة انا لما سجلت كثير فكرت في الاسم شو يبكى .. حكيت بدي اشي يبكى اله علاقة في البلد ويبكى يعبر عن حالي لو باشي بسيط ... وبما اني بحب الخيل كثير حطيت هالاسم . ( خيّال البلد ) مع انه بالحكيكة اني مش هالخيّال الشاطر كثير .. بس الحمد لله مستورة .. بركب ع الحصان وبروح وباجي
2) كيف تسطيع ان تحافظ على قسمك ان يكون في المقدمة؟؟؟؟
قسمي فيما لو انه بكا في المقدمة .. بحاول احافظ عليه من خلال اني اثبت المواضيع النشيطة خلال هذا الوكت واللي البلد مشغولة فيها وانتبه انه ما في اي مشاكل في المواضيع .. الشغلات ذات العلاقة الوحدة نحاول نطه في موضوع واحد مرتب مثلا زي كصة الاعراس .. المواضيع المهمة بثبتها لفترة معينة مثلا التعزية .. ومن هالقبيل .. على امل انه يبى القسم مرتب نوعا ما
3) ماذا افدة وماذا استفدة من المنتدى؟؟؟
لا اعلم فيما اذا افدت المنتدى .. مع انه هدفي انه افيد .. بس بعرفش مدى تحقيق هالهدف .. اما بالنسة للاستفادة الحياة كلها مدرسة والمنتدى احد صفوفها المهمة في حياتي .. بصراحة تعرفت ع كثير ناس .. عرفت حقيقة شغلات كثيرة .. تعلمت شغلات كثيرة ..
4) عضو تتمنى ان تقابله؟؟؟؟
حاليا مش مفكر في حدا معين .. بس حابب اقابل دعاء الكروان .. عزف الرصاص ..
5) جملة لعضو معين؟؟؟؟
عصوم مصطفى .. انت وبشار مصطفى .. تفكروش انه الادارة بتحبش الاعضاء او بدها تنتقم من حد او انها بتتيز لحد
6) جملة لمشرف معين ؟؟؟
بالاك .. الله بسامح الجميع .. مزبوط انا ورى الكصة بس مش كلها .. يعني انا واحد من اللي ايدوها ..
7) كلمة اخيره؟؟؟؟
اول اشي بحب اشكر الاخت راما على هذا الموضوع والاخ صدام
وبتاسف مرة ثانية ع التاخير ..
وبحب احكي لكل الاعضاء .. المنتدى ما بتبع لحدا والمنتدى عمره ما تحيز لحد وان شاء الله عمره ما راح يتحيز لحد والمنتدى هو للبلد واهلها لا للعيساوي ولا لادارته وهو بيعكس جزء كبير من صورة اهل هالبلد وكبير كثير وبخاصة للناس اللي بتابعوه من برة البلد.. فبتمنا من الجميع يفكروا ماليا بالموضوع ونحاول نرتقي ونتميز اكثر واكثر وما حداش يحاول يخرب ويوقف بمسيرة هالمنتدى
وفي الختام بتمنى تقبلوا تحيات اخوكم المحب لكم
خيّال البلد
|