&&& الجزء العشرين &&&
نوف بعد ماغيرت لبسها جلست تفكر بسامي وكيف اتعرفت على اهله
يالله شف النصيب كيف لمن يجي ولا انا ماكنت لااعرف سامي ولااهله
وواااو على نظراته بس كان مرة جريء والاخ ماقصر اشتغل تحليل بجسمي يووايش فايدة الكلام دحين شافني وخلاص ..... نسيت سارة خليني ادق عليها
نوف: الوووو
سارة: الووو وينك يادبة ادق عليكي ماتردي
نوف: سوري سوسو بس والله كنت مشغولة وجوالي خليته بغرفتي
سارة: خلاص سامحتك ها كيف قوليلي كل شيء
نوف: يوووو ياسارة والله ولمن دخلت كنت مرة خايفة وفاتتك نظراته ياويلي عليه مرة جريء
سارة: هههههه عاد لازم يطالع يفصلك تفصيل
نوف: كله من نوف خلتني البس حزام على تنورتي وبين جسمي مرررة ومع الربكة سمعت كلامها
سارة: خلاص ياحبيبتي قيده شافك وكيف هو
نوف: الصراحة هو مررررة حلو بس انا مادققت فيه كويس وهذا الثاني بدر مرررة احرجني
سارة: ليه ايش سوى
وحكت نوف سارة عن اللي سواه بدر بالتفصيل
سارة: هههههههههه والله كسفة
نوف: كسفة وبس والله لوريه بس خليني اشوفه
سارة: لا مااسمحلك بدر غالي
نوف: بدأنا ندافع مو شغلك انتي اخويه وحرة فيه
سارة: اخوكي هذا خطيبي ولا نسيتي
نوف: لامانسيت بس لمن تتزوجيه ذيك الساعة تعالي دافعي عنه وبعدين انا مااسمح لكي تحبي بدر اكثر مني فاهمة
سارة: والله كل واحد فيكم له محبة في قلبي
نوف: انا عارفة بدون ماسأل انه بدر في المرتبة الاولى بس يلا بمشيها لكي لاني مو فاضيتلك
سارة: ههههههههههه اكيد مشغولة عارفة لاتقولي
نوف: هههه الحمد لله ارتحت من هم الشوفة
سارة: والله انتي ارتحتي بس انا بدأت اخاف
نوف: من ايش
سارة: نسيتي الملكة
نوف: اايوه صح تجهزتي لها
سارة: والله اشتريت الفستان والإكسسوار الحمدلله في يوم واحد رحت واشتريت بس بعد ايه بعد مالفيت كل الاسواق
نوف: يلا ارتحتي من هم الفستان باقي احنا بس نرتاح من هم التجهيزات لها والله مافي وقت مدري ايش فيه بدر مستعجل مررررررة قدمها
سارة: ايش باقيلكم انتوا
نوف: والله بدر حجز القاعة وحجزنا البوفيه وبكرة انشاء الله بروح مع بندر ومها نختار الحلى وانشاء الله يمدينا نخلص
سارة: انشاء الله
وكملوا نوف وسارة سوالفهم وتجهيزاتهم للملكة
......................... ......................... ....
ام سامي: هاحبيبي ايش رايك بالعروسة
سامي: مايحتاج والله ارتحتلها
ام سامي: يلا الله يوفقك وانشاء الله تكون من نصيبك
سامي: انشاء الله
خلود: لو وافقت نوف متى تبغى الزواج
سامي: والله لو عليه ابغاه دحين بس الاكيد انه في اجازة الصيف
خلود: يو والله مافي وقت ايش رايك تخليه بعد العيد
سامي: ايه من جدك انتي اقولك ابغاه دحين تقول بعد العيد
ام سامي: انتي ايش فيكي انشاء الله الوقت يكفي
خلود: براحتكم بس والله بتعبنا بس كله يهون لعيونك
سامي: تسلميلي ونردها لكي انشاء الله
......................... .......................
بعد مرور يومين
اتصلت خلود بنوف
خلود: مرحبا
نوف: هلا خلود
خلود: كيفك وكيف اهلك؟؟
نوف: بخير كيفكم انتوا؟
خلود: والله بخير
وكملوا نوف وخلود سوالفهم ومن خلالها عرفت نوف انه سامي اعجب فيها بالمرة وقالتلها انه كل شوي يجيب سيرتها ونوف تسمع كلام خلود ومن جواتها مرتبكة ومستحية
......................... ......................... .
بندر دخل على مها وكانت سرحانة وتفكر
بندر: حبيبتي مهاوي
مها: هلا بندر
بندر: وينك ليه فترة اكلمك وماتردي
مها: اسفة حبيبي والله ماسمعتك
بندر: اللي ماخذ عقلك
مها ابتسمت: وفي غيرك ماخذ عقلي ياحبي انت
بندر جاء عند مها وباس يدها
بندر: ايش فيكي حبيبتي احس انك متغيرةة دايما مسرحة في شيء شاغلك
مها حضنت زوجها: بندر انا خايفة
بندرضم مها لحضنه وقاعد يطبطب على ظهرها: من ايش خايفة حبيبتي
مها: خايفة على مي
بندر: ايش فيها مي
مها: مدري احسها متغيرة ودايما بغرفتها تقول امي انها ماتخرج منها كثير
بندر: طيب ماسألتيها
مها: سالتها تقول عادي مافيه شيء
بندر: ريحي بالك انتي انشاء الله مافيها الا الخير
مها: انشاء الله
بندر ابتسم: ويلا قومي انا عازمك على العشا
مهاابتسمت لزوجها: طيب
......................... .........................
نوف: بدر ايش هذا اللي سويته قدام سامي والله احرجتني
بدر: ايش سويت ذكريني
نوف: والله كان نفسي اعطيك بكس بس استحيت من الرجال
بدر: ههههههههه تخيلي سويتيها والله غير سامي يهج يقول انا بتزوج انثى ولا بطلة ملاكمة
نوف: ههههه بايخة
بدر: احمدي ربك مدحتك قدامه قمر وحركات هههههههههههه
نوف: بس احرجتني وهو ماصدق اتفاعل على طول
بدر: ههههههه ليه هو مادة يتفاعل
نوف: هههههههههههههههه حلووووووووة
بدر: بس ايش رايك نوف بسامي
نوف: والله هو ماينعاب بس انا مترددة
بدر: لاترددي والله انه رجال وحبوب
نوف: يصير خير انشاء الله
بدر: انشاء الله الا اقول نوف كيف حال الحلوة
نوف: هههههههه حلوة ههههههه ابشرك بخير
بدر: اه الحمدلله
نوف: هههههههه والله انكم لايقين لبعض
بدر: اكييييد الله يحفظها ليه
نوف: اميييييين الله يوفقكم انشاء الله
......................... ......................... .
عمر: ياسر ياهووو وينك
ياسر: ها
عمر: وينك يارجال من اليوم اكلمك ماترد
ياسر: ماسمعتك ايش تبغى
عمر: خير ايش فيك
ياسر: لا بس افكر بمي
عمر: مي هذي مواللي قالتلك عليها عبير
ياسر: ايوه
عمر: بس والله حرام اللي تسويه في البنت
ياسر: وهذا اللي مرددني تصدق عمر انا حنيت على مي
عمر: لااااااا معقولة
ياسر: والله مي طيبة وحبوبة بس انا برضوا احب عبير ومقدر ارفض لها طلب
عمر: والله انا اشوف انك تحكم عقلك وماتخلي احد يضغط عليك وانت عندك اخوات ماتخاف عليهم
ياسر: لا بس عبيرانا وعدتها وماابغى اخلف وعدي معاها وكمان ماابغاها تضيع مني
عمر: براحتك انا نصحتك وانت حر باللي تسويه
وراح عمر عن ياسر وتركه يكمل افكاره <<< الله يستر منه
......................... ...............
بعد مرور 5 أيام
نروح لنوف المحتارة
نوف: انا ليه كذا مترددة ياربي من جواتي موافقة بس خايفة انا خايفة من الزواج كله موبس من سامي بس والله انا احبه.. لحظة لحظة انا احب سامي.. ايوه انا ماانكر اني معجبة فيه.. وكمان هو طيب وحبوب وشكله اعجب فيني ...اجل خلاص بوافق عليه ليه اتعب نفسي اكثر من كذا انا ابغاه واحبه ليه اكابر
وبعد ماخلصت نوف من الحديث مع عقلها وقلبها ارتاحت باللي رست عليه وقررت انها تروح عند امها وتقولها انها وافقت وتخلص
نوف: امي
ام بندر: عيونها
نوف: تسلملي عيونك انا جيت بقولك موافقة
ام بندر: على ايش
نوف: امي انتي عارفة لاتحرجيني
ام بندر: هههههههههههه اها عرفت قصدك على سامي
نوف وهي منحرجة: ايوه
ام بندر تحضن بنتها: ياحليلك يانوف وتنكسفي كمان الحمد لله اللي جاء اليوم اللي اشوفك فيه عروسة
نوف تبوس امها: الله يطول في عمرك انشاء الله وتشوفي عيالنا وعيال عيالنا كمان
ام بندر: اميييين انشاء الله والله يوفقك مع سامي
نوف: اميييين
......................... ......................... ........
ام سامي: خلاص انشاء الله بنحدد يوم ونجي نخطب رسمي
ام بندر: الله يحيكم بأي وقت البيت بيتكم
ام سامي: تسلمين حبيبتي يلا مااطول عليكي وسلمي على البنات
ام بندر: الله يسلمك ويلا مع السلامة
ام سامي: مع السلامة
خلود : امي تكلمي مين
ام سامي: هذي ام نوف
خلود: ايش قالت
ام سامي: اتصلت بتقول انو نوف وافقت
خلود فرحت: الله الحمد لله ماتمنيت شيء كثر ماتمنيت انه سامي يتزوج نوف
ام سامي: والله نوف بنت ولا كل البنات الحمد لله انو ربي رزق ولدي بيها
خلود: والله ياسامي صبرت ونلت خلي نهى تنقهر
ام سامي: خلود لاعاد تجيبين سيرة نهى الا بخير خلاص ماعلينا منها شوفيه سامي اخذ احسن البنات
خلود: أي والله الحمد لله الا اقول امي وين سامي
ام سامي: شكله مو موجود في البيت
خلود: خليني ادق عليه وابشره واخذ حق البشارة ههههههههه
ام سامي: هههههههههه انتي متى تكبرين وتعقلين
خلود: انا بتم صغيرة طول عمري
ام سامي: الله يوفقك يابنتي ويرزقك بولد الحلال
ودقت خلود على سامي اللي كان مع اصحابه
سامي: الووو
خلود: هلا سامي
سامي: هلا خلود ايش تبغي متصلة
خلود: هييييه احترم نفسك الشره عليه قلت بدق على اخويه ابشره
سامي: لحظة شوية
وقام سامي عن اصحابه
محمد: ها ابو الشباب وين رايح ها
خالد: هههههههه بيقولها كلام حب ومايبغانا نسمع
سامي: صدق انكم تافهيين على بالكم كل الناس زيكم
خلود: سامي وينك