مها: لا انا بيت عمي ليه تبغى شيء
يوسف: لا كنت بجيكي بس يلا مرة ثانية
مها: تعال بكرة استناك ها
يوسف: انشاء الله وسلمي على نوف وقوليلها مبروك
مها: اوكي انشاء الله
يوسف: يلا مع السلامة
مها: مع السلامة ... نوف يسلمك عليك يوسف ويقوولك مبروك
نوف ابتسمت: الله يسلمه وعقباله
مها: انشاء الله ....تصدقي نوف يوسف تغير
نوف: كيف يعني غير
مها: يعني ماصار زي اول يسهر بالعكس صار دايما في البيت ويروح شغله وصار يصلي
نوف فرحت: ماشاء الله الله يدومها عليه
مها: امين
وبعدين نوف سرحت الحمدلله انو دعائي استجاب ويوسف انهدى والله يدله على طريق الخير دايما
( نوف كانت دايما تدعي ليوسف صح هي كانت ماتبغى تتزوجه بس برضو ماكان يمنعها انها تحبه كولد عم لها وتتمناله الخير)
......................... ......................... .........
يوم الاربعاء كانت الملكة بس الحفلة حددوها يوم الخميس
وجابوا المملك ببيت ابو سارة
ابو سارة: سارة حبيبتي تعالي الشيخ بيسالك
سارة بخوف: يسألني على ايه
امسارة: بيسألك موافقة ولا
سارة: انا موافقة ليه يسألني ابويه قول له خلاص انت بدل عني
ابو سارة ضحك على كلام بنته: سارة ليه تخافي لازم يتاكد منك عادي لاتخافي تعالي يلا
وراحت سارة مع ابوها وهي خايفة وبعد وسالها الشيخ ويدوب سارة رفعت صوتها وردت وضحك عليها وسوى نفسه ماسمع بعدين سارة علته اكثر وهي خايفة
وبعدين جابوا لها الدفتر توقع
ووقعت سارة وسمر تصورها وهي توقع
واليوم الثاني جاء يوم ملكة بدر وسارة والكل كان يستعد ويتجهز
سمر: يلا ياسارة اتاخرنا
سارة جات: طيب اصبري دقيقة لسه باقي وقت
سمر: يدوب نوصل للكوفيره واليوم خميس يمكن نلاقي زحمة زبعدين ماابغى اروح القاعة متاخرة حلاتها من بدري
سارة: يلا امشي كانها هي العروسة مو انا
سمر: هههههههه ياليتني عروسة وسرحت
سارة تدف اختها: يوو بدت تسرح بحبيب القلب اقول امشي
سمر: هههههههههه تلوميني وانتي قلبك بيذوب محد قدك اليوم بيصير الحبيب ملكك
سارة تذكرت بدر وقلبها صار يدق
سمر: ههههههههههه اشوف انتي اللي سرحتي يلا امشي اشوف قدامي
ابويه يستنانا بره
وابتسمت سارة لاختها وخرجوا مع بعض من البيت
ام سارة راحت مشغل قريب منهم ماحبت تروح مع بناتها تخاف يتاخروا لازم تخرج بدري عشان تساعد ام بندر
في الليل الكل في القاعة الا سارة وسمر لسه ماجو
ام سارة: نوف دقي على سارة مدري ايش فيهم تأخروا
نوف: انشاء الله مافيهم الا الخير دحين ادق عليهم
ودقت نوف على جوال سارة
سارة: هلا نوف
نوف: هلا بالعروسة وينكم تاخرتوا
سارة: خلاص احنا جايينكم قريب
نوف: اوكي بس خفت عليكم عشان تأخرتوا
سارة: لا خلصنا خلاص
وقفلت نوف من سارة ومشيت الا وتسمع صوت يناديها
خلود: نوف
نوف لفت وشافت خلود وامها وسامية وعهود واتذكرت سامي واستحت بالمرة
نوف: هلا الله يحيكم
وسلموا الحريم على بعض ويروحوا يجلسوا على طاولة وترحب فيهم نوف وتصبلهم قهوة بعدين اعتذرت منهم عشان تنادي امها
نوف: امي
ام بندر: خير نوف
نوف: خالتي ام سامي جات هي وبناتها
ام بندر: رحبتي فيهم ولا فشلتينا
نوف: امي اعجبك انا جلستهم على الطاولة وضيفتهم بالقهوة
ام بندر: ايوه كذا ابغاكي
وراحت ام بندر عند انسابها ونوف طمنت ام سارة وقالتلها دحين بيجوا
خلود: نوف يسلم عليكي سامي
نوف: الله يسلمه كيفه
خلود: طيب
نور جات عندهم وسمعت الهرجة وحبت تحرج نوف
نور: اقول نوف ايش قال سامي عن نوف عجبته
نوف تغمز لاختها يعني اسكتي
خلود حست بنوف وتبغى تحرجها زيادة: يوووو كل شوي يجيب سيرة نوف ايش سويتي في اخويه خبلتيه هههههههههههههههه
نور: هههههههههههههههه
نوف: طبعا اتخبل في احد يشوفني ومايتخبل
نور: طيب انحرجي شوية على الاقل قدام اخته
نوف: عادي خلود صحبتي
خلود: خليها تاخذ راحتها
وجاتهم سمر ونور على طول صفرت
نور: الله الله ايش الجمال دا يووو لو يشوفك نايف
سمربدلع : نوووووووووور
نوف: سبيكي منها هذي اليوم مستخفة وين سارة
نور: بالله هذا سؤال يعني وين اكيد بالغرفة
نوف: مو شغلك
واستاذنت منهم خلود وراحت
نوف: ايش فيكي انتي وجععععععع لازم تحرجيني يعني
نور: انتي انحرجتي اجل ايش تسمين اللي قولتيه وتقلد نوف في احد يشوفني ومايتخبل
سمر: هههههههههههههه
نوف: اقول فارقي خليني اروح عند حبيبة قلبي سوسو
نور: سوسو هههههههههههههههه
وضحكت سمر عليهم
سمر: هههههه مخابيل
نور: تعالي هنا يابنت اش الحلاوة دي سمر ايش رايك ادق على نايف يجي يشوفك
سمر: لا والله
نور: صدقتي انتي مافي شوفة الا بعد الملكة
سمر: طيب ماما وتهز راسها زي الهنود
وضحكوا نور وسمر على نفسهم
ونروح لسارة ونوف
نوف: ماشاء الله على الحلوين تعالي سارة اقرا عليكي
سارة: ههههههه
نوف: ايش فيكي
سارة: لا ولا شيء بس خليني البس الفستان بعدين اقري عليه مرة وحده
نوف: ها طيب خلاص يلا قومي البسي بساعدك
ولبست سارة الفستان وساعدتها نوف لانه في هذاك الوقت سارة مااعتبرت نوف اخت اللي بيتزوجها بالعكس اعتبرت سارة صديقتها واغلى صديقاتها والصديقة مافيها شيء لو بتساعد صديقتها
نوف: ماشاء الله ياسارة الفستان جنان واصلا انتي اللي محليته
سارة: عيونك الحلوة ياعمري
وقرت نوف على سارة وحضنوا بعض
نوف: سارة خلاص لاتبكين والله مكياجك بيخرب
ودخلوا عليهم نور وسمر وباركوا لسارة
نور: ماشاء الله والله اخواني عرفوا يختاروا زوجاتهم
نوف: طبعا طالعين علي مو انتي
نور: احم احم انا ام الذوق كله
وكملوا البنات سوالفهم وضحكهم
وبعدين جو خالات سارة وهما خالتين وكلهم متزوجات بس ساكنين بالرياض وعيالهم صغار اكبرهم بنت اكبر من سمربسنتين عمرها 18
رغد: الله ياسارة ماشاء الله عليكي مرة طالعة تهبلين
سارة: تسلمين ياقلبي وعقبالك
رغد: امييين
وتضربها امها: يابنت اثقلي
سمر: عادي خالتي خلاص رغد انشاء الله تشوفك وحدة من الحريم وتخطبك ماشاء الله عليكي حلوة والكل يتمناكي
رغد حلوة هي وسارة يتشابهون كثير اللي يشوفهم يقول انو هي وسارة اخوات اكثر من سمر
سارة: انشاء الله تتزوج واحد من جدة وتجي عندنا
رغد: ايوه انشاء الله انا ابغى اسكن بجدة احبها مرة
سمر: انشاء الله
وبعدين راحوا الحريم القاعة وتركوا سارة لوحدها تكمل زينتها
وكانت الملكة روعة انبسطوا البنات ورقصوا ويشجعوا بعض زغاريط وصريخ كان جوو خيالي وسارة تسمع رجتهم وقلبها يدق
سارة: ياويلي قربت اللحظة والله اني خايفة الحمد لله يارب وفقتني ورزقتني باللي ابغاه الحمدلله
ودخلت عليها نوف
نوف: يلا سارة استعدي بدر بيدخل عشان تتصوروا
سارة: نوف خايفة
نوف: ههههههههههه هذا وانتي تعرفي بدر اجل كيف انا في ملكتي هههههه الله يستر
سارة: نوف انتي اجرأ مني
نوف: مدري خليها في ملكتي وشوفي ايش بيصير ليه الله واعلم
وجات نور وامها ومعاهم بدر ومعاهم ام سارة
ام بندر: خلاص سارة مستعدة
سارة بارتباك: ايوه ..... امي تعالي عندي
وضحكوا كلهم على سارة
نوف: ههههههه خوافة
وراحت نوف عند الباب ودخلت بدر
بدر: السلام عليكم
سارة: وعليكم السلام
بدر لمن رفع عيونه وشاف سارة اتخبل الله الله ماشاء الله عليها ياحظي والله
سارة كان شكلها جنان مسوية شعرها سريحة على جنب وحاطة عند اذنها وردة بيج بعودي وطالعة جنان عليها اما مكياجها كان عودي مع البيج يعني كانت على قولتهم تطيح الطير من السما وبدر كان يطالع بسارة ومسحور بجمالها
نوف بصوت واطي: ههههههههه ايش فيك مبقق عيونك
بدر: ياحظي انا والله
نوف: هههههههههههه
وراح بدر عند سارة وباس جبينها وسارة الله لايوريكم قلبها يدق بقوة وتحس نفسها بدوخ لمن قرب جنبها
وبدات المصورة تصورهم اول شيء اتصوروا مع العائلة وبعديت راحوا وتركوا بدر وسارة مع المصورة
......................... ...................
نروح لمي اللي حضرت الملكة بدون نفس بس لانو امها اجبرتها انو تروح
مي: ياسر مااقدر ايش فيك انت
ياسر: والله محد داري عنك اخرجي معايا مو انتي تقولي انك مو مبسوطة يالله اطلعي
مي: والله ودي دحين اروح البيت بس امي هذي
اسر: انا عندي فكرة سوي نفسك تعبانة وقولي لامك بروح البيت وتعالي معايا ايش رايك
مي: اممممممممم والله فكرة بس مدري خايفة
ياسر: انتي سوي اللي بقولك عليه ولا تخافي
مي: طيب اقول لامي وارد لك
ياسر: اوكي
وراحت مي لامها
مي: امي
ام يوسف: نعم
مي: امي انا قلتلك تعبانة وانتي غصبيني انا بروح احس تعبي زاد
ام يسوف خافت على بنتها: طيب دحين نعتذر منهم ونروح كلنا
مي: لا امي عيب نروح كلنا انا ادق على السواق يجي ياخذني وانتي اجلسي
ام يوسف: خلاص براحتك بس روحي سلمي على ام بندر واعتذري منها
مي ابتسمت: من عيوني
ودقت مي على ياسر عشان يجيها
ياسر: ها بشري
مي: خلاص وافقت انت متى بتجي
ياسر: انا بره يلا تعالي مافي احد
مي: ماشاءا لله بسرعة جيت
ياسر: انا من زمان هنا عارف انك بتطلعين معايا
مي: طيب خلاص انا جايتك بس انتظر 5 دقايق اسلم على خالتي واجي بااااااااي
ياسر:اوكي باااااااااااي
وراحت مي سلمت على ام بندر واعتذرت منها وفي طريقها لقيت نوف
مي: نوف نوف
نوف استغربت انو مي تناديها الله يستر منها
نوف: هلا مي
مي: نوف انتي زعلانة مني صح
نوف: لا والله عادي
مي ابتسمت: نوف انا اسفة عن كل الاشياء اللي سويتها معاكي
نوف ابتسمت: وانا مسامحتك وعمري مازعلت منك
وحضنت مي نوف
مب: مبروك نوف مع انها متاخرة
نوف: الله يبارك فيكي وعقبالك
مي: بحياتك
وتركت مي نوف وراحت ونوف مستغربة من مي يمكن الله هداها وهزت كتوفها وراحت عند البنات
وطلعت مي من القاعة وطلعت السيارة مع ياسر
ياسر: هلا حبيبتي السيارة نورت
مي: منورة بصاحبها
ياسر: تسلمين
مي: ياسر وين بنروح
ياسر: بوديكي شقتي
مي: ياسر لا نروح أي مكان ثاني
ياسر: مي انتي وعدتيني اول خلاص انا زعلان احسن لكي ارجعي القاعة خلاص
مي: يوو ياسر زعلت خلاص اوكي نروح الشقة بس مانتأخر
ياسر ابتسم: ايوه كذا خليكي لا حبيبتي محنا متاخرين برضو انا اخاف عليكي انا احبك يامي ومستحيل اسوي فيكي شيء يضرك
وياسر في قلبه : اول مرة احس انو الكلام طالع من قلبي معقولة ياياسرتخاف على مي
مي: تسلم حبيبي وانا واثقة فيك كل الثقة
......................... ...................
نروح للعرسان اللي قاعديت يتصورون
والمصورة كل شوية تطلب منهم يسوو حركة ولاتخلو هذي الحركات من الجرأة وسارة مستحية ومقهورة من المصورة وجععععع على جرأتها
وقهرتها اكثر لمن طلبت من بدر يحضن سارة وتكون وجيههم متقابلة ويبوسها عشان تصورهم
وبدر ماحسب على طول سوى اللي تبغاه وسارة وجهها صار احمر واستحت وانقهرت من بدر كيف يسوي كذا قدام الهبلة دي
وبعد ماخلصوا تصوير راحت المصورة عنهم ووبقيوا سارة وبدر
بدر: الله ياسارة انتي مررة حلوة
سارة: عيونك الحلوة
وطلع بدر من جيبه عليه صغيرة واعطاها سارة
بدر: سارة هذي العلبة ابغاكي تفتحيها في البيت مو هنا
سارة: ليه ايش فيها
بدر ابتسم: مفأجاة ههههههه بس زي ماقلت لكي افتحيها بعدين
سارة: طيب
وونترك العرسان لوحدهم ونروح لمي وياسر
ياسر: يلا مي انزلي وصلنا
مي حست بخوف وضربات قلبها تدق بسرعة
مي: طيب
ونزلوا من السيارة ومسك ياسر يد مي ودخلوا العمارة مع بعض ووقفوا عند شقة في الدور الاول
وفتح ياسر الباب واثناء مانزل المفتاح طاح منه فأنحنى يجيبه ولمن نزل انتبهت مي للحركة اللي في الشقة وفتحت عيونها لاخرها لانهاشافت رجال جوه ولاشعوريا دفت ياسر بقوة لمن قام وجريت على الشارع وكانت العمارة على شارعين رايح جاي ومزدحم بالسيارات وبدون وعي صارت مي تجري وفي قلبها تقول انا ايش سويت الكلب المخادع جايبني شقة كلها رجال انا قلبي من زمان وهو يدق حسيت انو شيء بيصير ليه ليه يياسر تسوي معايا كذا واثناء جريها ماانتبهت للسيارات وصدمت فيها سيارة طيرتها للشارع الثاني وكل هذا صار قدام ياسر اللي كان واقف منصدم من اللي صار بعدين صرخ: لاااااااااااااااااااااااا ااااااااااااااااا
......................... ................