[العيساوي]

السلام عليكم ورحمة الله وبركاته
مشكورين على الاستضافة وعلى المايك واكيد صوتي مثل ما قالت نتالي بدوش مايك
نازل صياح فيهم للمشرفين مش قادرين يتنفسوا بس لاتقولولهم بلاش نوكل بهدله


على كل الاحوال
العيساوي متعلم ومخلص جامعه واعمل حاليا

الاشياء الحلوه في العيساوي : قلبه طيب وبحب الخير للجميع وللاسف لو على حسابه
الاشياء السلبية : ما بيغفر الكذب ابدا وهو الشئ الوحيد الي ممكن يفقدني صوابي وغير هيك هادي مثل الجليد.

اشياء بحبها:

حابب اشوف العيساوية تكون حلوة مثل ما كانت قبل ما اسافر لدراستي
لاني بصراحه رجعت ولقيت بلدي مش هي نفس الورده ولا هي نفس البلد
لقيت البيت فوق البيت والجار اذا طلبتي حبه ملح ممكن يناولك اياها من الشباك للاسف من كثر ما بنلز على بعض ومش مخليين مجال للخصوصيات


بحب اشوف جيل اليوم بيحترم الكبير وبيحترم الغريب وما بيتعامل مع كل شئ بزعرنه ووجهنه


بحب اشوف العيساوية مزروعه ورد وشجر على كل رصيف وكل مكان لازال فيه تراب عيساوية خضرة اجمل ...


بحب اسمع الناس تحكي بدنا نعيش بالعيساوية ومش احنا مضطرين نعيش بالعيساوية


حابب ان العالم تكون ايد وحده ونظرتها انسانية مش نظرتها الك قديش بتسوى


حابب اشوف الناس ما بتتدخل بالاشياء الخاصة لغيرها وما بتزق حالها باشي مش الها


حابب اشوف البلد بدون مشاكل عائلية وبالعكس حب واخوية لان فش من الطوش فايده والتفاهم حلو دائما

اكتفي حاليا بالشكوى ...