بعد السلام بجي الكلام فـ السلام عليكم ورحمة الله وبركاته
انا مع كل كلمة انقالت لصالح اللغة العربية
و انا عنجد كتيييييييييييييييير بعتز و بفتخر فيها
و انا اسمي في المنتدى كنت كتبتُ بالعربي فكان كتير بفكروني شب مش بنت هادَ شي ازعجني
ووقتيها ما لقيت شي اكتبه فكتبت اسمي تلقائي .. يعني بدون هدف محدد !!
اما في الحياة اليومية ما بحكي كتير كلمات انجليزي .. مع اني الحمد لله بفهم منيح لهادي اللغة ...
بس لما بكون اللي عم بحكي معو بفهم انجليزي ببلش احكي معه عشان اقوي لغتي مش اشي تاني
و انا كمان بشوف انو هدا الموضوع مهم
اكيد اشي مش تافه
حتى لو كان بسيط - برأي بعض الاعضاء - الا انه مهم
مش غلط ابدا انو الواحد يبلش بالصغير
و انا بتشكرك كتيييييييييييييييير على الموضوع
و للملاحظة انا قرات كل الردود عشان اعرف كل واحد و رأيه
بس بدي اعلق كمان اشي صغير ..
انو الشغلة اكبر بكتير من انو اسماء مستعارة في المنتدى
اذ انو الامر بتعدا هادي الحدود متل ما تفضلتوا و حكيتوا
للاسف مش بس ظاهرة اللغة الاجنبية هي اللي مسيطرة علينا
في كمان الثقافة الاجنبية - ما بحكي على جانب العلم - انا بحكي عن التعري و الملابس و المظاهر
في كتير عرب ممكن تساليهم عن مطرب اجنبي و بيحكي لك عن سيرت حياته كاملة
اما تساليه عن عالم عربي بقولك مين هاد ؟!!!
او عن مظهر او معلم او مبنى موجود في اوروبا مثلا راح يحكيلك عنه
بس تساليه عن اشي من تراثه بقولك شو هدا التخلف ؟!!
بس انا ما بحكي عن الجميع اشي اكيد
لانو في كمان كتير بعرفه اللغة الاجنبية بالاضافة الى العربية
و بارك الله فيكم مع هدا الموضوع الرائع
و اعذروني اذا طولت عليكم او حكيت شي غلط
|