أنا مش عارف كيف الأمور وصلت لهون !! يعني غبت عن المنتدى بس كم من ساعة
بعد ما نقلت الكم الخبر نقلا ً عن إذاعة uuu الإخبارية للسياحة و السفر ..
وصلتوا القصة لهيئة الأمم المتحدة و لـ بان كي مون , يعني يا جماعة الخير أنا مش عارف
ليش أنتو بتحبوا تحرجوني , يعني مش عارفين إنو بان كي مون زلمتي وصحبة أنا و اياه
من أيام الطفولة , ناسي يا عيساوي لما رجعتلك جرة الغاز المسروقة , بالله عليك اتقلهم
كيف كنت احكي مع بان كي مون , بقلكم عالعضم انا واياه !!
ووصلتوا القضية كمان لدول عدم الإنحياز يعني بدكم تغلبوا كل دول العالم بقصة هالإنقلاب !!
الأمر طبيعي يا جماعة ,, يعني حماس انقلبت عالسلطة و شو يعني ,, بتصير بأحسن العائلات !!
بعدين يا أبو النون إنتا مسوي هيئة محاميين وبدك ادافع عن العيساوي هه ..
طيب إنتا مش عارف أنه هاليومين عضويتك راح تلتغى , و إنك إنتا طلعت من بين الأعضاء
المحذوفين عن طريق الغلط هه والخبر الصافي عند العيساوي ..
وبعدين همسة الإحساس اللي بتحكي عنها يخوي صارت نائبة مديرة المنتدى في
الإدارة الجديدة يعني دير بالك بلاش حلقات سؤال دون ميعاد إتطير و بعدين يطيروك وراها ..
بعدين يخوي أنو قلك أنه قناة uuu قناة إرهابية وقناة معادية مهو أصلا ً بتقلك uuu يعني
أنت ثم أنت ثم أنت كيف معادية !! شكلك ملكش في القنوات ..
بعدين ضياء المجد يا جماعة الخير اختفى ملاحظين !!! شكله راح يوصل الأخبار لجماعة
القاعدة !!
بعدين يخوي يا ابو النون الله يرضى عليك الأمور الأمنية سيبها علي , يعني أنا عندي
خلفية في الموضوع ..
وبعدين يخوي بلزمش حراسة على دار العيساوي , لإنه ما حد راح يسترجي يقرب على
باب داره , إلا في حالة وحدة إذا حط جرة غاز على باب الدار هه ..
بعدين يا ابو النون خلي الطابق مستور وبلاش أقلهم أنه المصاري اللي بتجمعهم للأيتام
بتمول فيهم إنقلاب إم زيد .. إنتا بتجمع هون وباعتين ليل الهجر تجمع من دول الإتحاد
الأوروبي !! بلاش أقلهم خليني ساكت ..
بالنسبة للعيساوي أنا يعني لما دخلت المنتدى ولقيتك موجود استغربت يعني مش عارف
ليش معطينك وقت لهلا .. بس أنا بقلك يخوي هاي تكتيكات بدك دير بالك منها .. بجوز
بدهم يغتالوك بالمنتدى ..
وبعدين إنتا جاي هلا اتقلنا عن محطة الكهربا وعكمتنا بأول حلقة فاتورة كهربا بـ 1000
شيكل !! الله يسامحك ..
و أخر الأخبار مع مراسلنا - مراسل قناة المنتدى المحلية ( عالأنتيل يعني )
- محمد هيثم ..
أخبار من الفرن و بيت النار ..
في قسم الشباب و قسم بيت القوة إنفجار كبير غطى سماء المنتدى بأكمله و أعلن عن
وفاة 300 موضوع من داخل القسم و جرح المشرفين من الشباب المسؤولين عنه
و ذكر شاهد عيان بأنه ما زالت عمليات الإنقاذ مستمرة و تم نشر فيديو من قبل العصابة
المنفذة للعملية و قالت بأنها ستستمر بالأعمال التخريبية حتى يتم القبض على
العيساوي وقد تبنت مسؤولية الإنفجار المجموعة النسوية في المنتدى ..
وقد تم في منتدى ( بنات * بنات ) العمل على احاطة المنتدى بالأسلاك
الشائكة و الدبابات تم نشرها على الباب و ممنوع دخول غير البنات ..
هذا الى الآن انتظروا الأخبار القادمة ..