27-05-2009, 01:25 PM
|
#1 | |
|
مشرفة قسم التراث الفلسطيني
|
يسعد صباحكم / مسائكم بورد جوري معطر من الاخررر اجيت اذكركم بنهفات زمان واحنا زغنونين  للامانه ما هي فكره حلوه؟ تعو تذكرو مع بعض بتتذكروا.. يوم يجي أخوك الأكبر منك ويقول لك: بدك أرسم لك ساعة وانته تمد إيدك ويعضّك هديك العضة اللي تضل مرسومة أسبوع. بتتذكروا.. يوم كنا نتصوّر عند مصوّر العيلة وطبعاً غصبن عنك الخلفية زرقاء مش بكيفك ولازم تمشط شعرك بالمشط اللي عنده.. كله شعر.. بتتذكروا... المصاص الأحمر اللي بيعلق بالسنان ومعه عود لونه احمر مخطط بالأبيض وكنا نقلبو بالمقلوب ونحطو ع الشمعة أو الغاز وننفخ مشان نساوي فقاقيع وطبعا ما تطلع النفيخة لحتى تطلع زلاعيمك معها وتنحرق كل أصابيعك. بتتذكروا.. يوم كنّا نشوف افتح يا سمسم ونتأثر بكعكه اللي ياكل بسكوت ونشتري بسكوت ونضل ناكل زيه وبعدين نحطو بطاسة مي أو بالمغسلة وناكلو عم يشرشر .بتتذكروا.. يوم الجمعة ... نقوم من الصبح مشان نسمع أغنية في قصص الشعوب قصائص لا تنتهي وعالم حلو بهي يسكن في القلوب في قصص الشعوب . بتتذكروا.. تيلفون أبوقرص اللي يهلك أصابيعك وانت تتصل ويا ويلك يطلع الرقم مشغول لأنه ما في ريدايل. بتتذكروا.. يوم كنا نربط الشرشف على رقباتنا زي سوبرمان ونطلع فوق الخزاين ونط على التخوت وآخر شي ناطت غلط ومنكسرة إيدك. بتتذكروا.. يوم كنا نحط الآيس أو الكازوزة بالكيس بالتلاجة مشان تصير متلجة وكل ما بدك تجي تاخدها تلاقي امك حاطته تحت ومش متلّج.. يا حسرة. بتتذكروا.. لما كانوا الأولاد يشطفوا البرندة بالصابون ويضلوا يتزحلكوا عليها طول النهار وآخر الشي تنفكش اجر شي واحد وما ينام الليل لأنه اجره ورمانة.. بتتذكروا..لما كنا نستقبل الحجاج بكامل الفرحة واللهفة على الهدية والعيدية وآخر شي: مسواك ومسبحتين والكاميرا الحمراء وسجادة وللبنات قطعة قماش عليها خرز وساعة. بتتذكروا.. عزايم قبل والسفرة ومفرش الطاولة اللي عليه صورة (فواكه) وريحته لازم زي ريحة المطبخ وقاعد على كراسي القش اللي لما تقوم تلاقي اجريك عليها شحوط ومربعات. بتتذكروا.. أيام الدراسة لما نشد حيلنا بالدراسة ونشتري قلم فسفوري أصفر أو برتقالي مشان نظلل على الشي المهم وآخر شي نظلل على كل الكتاب.. وين الشي المهم؟؟ ما بعرف!!!! بتتذكروا.. أول ما يسرق الولاد سيارة أبوهم كانت الاجر اليمين على البنزين والاجر الشمال على الفرام من شدة الفرحة .... ولازم طبعاً يمرك على ولاد الحارة ويطلعلوا معو شي خمسين واحد بتتذكروا.. لما تتقاتل مع ابن الجيران وتقول له: انقلع عن دارنا وعن رصيفنا... يقول لك: مش رصيفكم هادا رصيف الحكومة كلام منطقي, ويضل يمرق قدام البيت ويقول لك مادخلك. بتتذكروا.. لما يروحوا الولاد السوق مع أبوهم أو أمهم مشان يشتروا اواعي للعيد ..وآخر شي شارين اواعي زي بعض بس غير ألوان وتشوفهم بأول يوم العيد من الأخ الكبير للصغير زي فرقة حسبالله. بتتذكروا.. لما الشباب بدهم يعملو عضلات يرحوا يترسو علب النيدو باطون ويحطون بينهن عمود حديد وهووووووووب وآخر شي منكسرة ضهورهم. بتتذكروا...لما نشيل الشراشف ونعملهم خيم ...أو ناخذ المخدات الكبيرة ونعملهم بيوت. واللي ما عمل شي من المذكور فوق بيكون من جيل الهمبرغر وسبيس توون وأبطال الديجتال..راحت عليكم هديك الأيام أولاد هالأيام بتلاقيه عايش مرحلة وحده بس ألا وهي مرحة الكبار: سيارة وموبايل و تدريجة وشحططة في الشوارع والمطاعم. ماشاف لا أفلام كرتون ولا لعب وهو صغير.. أول ما يفتح التلفزيون بتلاقيه يتفرج ع هيفا ونانسي وروبي وعلى أيامنا قصص عالمية و حديث الجمعة الديني وسهرة صباحية ع الشدة كل ليلة خميس وأم عمار ببرنامج ما يطلبه الجمهور وعصمت رشيد يغني بين الشوطين ويوم الجمعة سيران والله أيام للأسف صار الجيل الجديد بلا هوية كنتم مع الاخت RoSe  [/align] |
|
|
|
|
27-05-2009, 01:46 PM
|
#2 | |
|
الوسام البرونزي
|
.. الصراحة فش احلا من ايام زمان (( ايــام طفولتنا )) حتى مع انو كان مليااان نهفات مرت مع الجميع ومجرد ما تتزكر اي قصة صارت معك رح تحس انو رجعت طفل من جديد روووز يسلمووو حبيبتي يعطيكي الف الف عافية ع هالموضوع الطفوولي *!* يارا |
|
|
|
|
|
27-05-2009, 02:38 PM
|
#3 | |
|
عيساوي زعيم
|
يعطيكي العافيه شكراً على الموضوع الحلوووو |
|
|
|
|
|
27-05-2009, 03:14 PM
|
#4 | |
|
عيساوي مشارك
|
|
|
|
|
|
|
27-05-2009, 08:06 PM
|
#5 | |
|
عيساوي مشارك
|
والله كل حكيكي صح هههههههههههههههههههههه يا الله على ايام زمان بس يريت ترجع احلى شي يسلمو اخت روز على الموضوع الحلو زكرتينا بالعمايل السودة ههههههههههههههه |
|
|
|
|
|
27-05-2009, 08:19 PM
|
#6 | |
|
مشرفة عيلة ولا احلى
|
|
|
|
|
|
|
27-05-2009, 11:15 PM
|
#7 | |
|
روز ...موضوعك حلو ..لانه يعود بنا الى زمن نحنّ له ونستعيد ذكرياته كلما اردنا الهروب من وقتنا الحالي .. حيث البراءة ..والبساطة ..خلو البال .. افتح يا سمسم ..ملاعب الصغار ..توم سوير .. اتذكر اخبار الحادية عشر في التلفزيون الاردني خاصة ايام الشتاء والثلج وبتذكر كيف كنت استنى اعلانهم .. (تعلن وزارة التربية والتعليم تعطيل المدارس غدا بسبب الاحوال الجوية ) اووووووو .... كنت انبسط ..عطلة !! بتذكر برنامج سجى الليل ..كانت تقدمه اخلاص يخلف ! كثيرة هي الذكريات الجميلة .. شكرا لكِ ..لهذه المساحة التي عدنا فيها لايام خلت ..عشنا فيها احلى الايام |
|
|
|
|
|
28-05-2009, 07:25 PM
|
#8 | |
|
مشرفة العام
|
يا سلاااااااااااااااااااااااام شو هاد شكلكم باكين تراقبوني هههه يالله شو انكم غوارين ^_^ ههه متزكرين لما كنا نشتري بلالين لدنيا ونعبيهم معي ونعجب ع الدنيا بعدين تيجي امنا وتكبهم و\ونصير نعيط ....  ومتزكرين لعبة بيت بيوت لما نضل نروح نفر ونعمل بكل بلاطه دار ونفرش هالباربي ونحكي هاي بنتي ونصير زي الهبايل نحكي مع العب ونغيرلهم ونعجب عليهم متزكرين لما نشوف حد شاري زينا نصير نحكيلو غيوور ولك شيكل شيكل : طماع الشواكل نسر نسر : ابوك حلكلك ع الصفر كول بير توكل صحنين برابير  ( شباب متزكرين لما كنتو تتكتلوا مع خواتكم تجيبوا لعب الباربي وتخربشو عليهم بالالوان )  وانو متزكر لما كنت نغلب امنا نروح نتخبا تحت التخت واحيانا انام تحتوا ... متزكرين لما كنا نلعب " الخريطة - س ص ع - الغميضه- الإكس أو والطنورة والزكطه و شو زكروني " بس اتزكر بحكيلكم ... يسلمو روزة *_^ سلاموزة |
|
|
|
|
|
29-05-2009, 12:21 PM
|
#9 | |
|
عيساوي نشيط
|
يسلمو روز على الموضوع الحـــلو بس يمكن انا عشت نصهم مش كلهم يعني الشراشف والخيمة انا لهلأ بعملها يســـــــــلمو كمان مرة ويعطيكي الف عافية دمت بود |
|
|
|
|
|
29-05-2009, 06:48 PM
|
#10 | |
|
مشرفة قسم التراث الفلسطيني
|
نورتو الاشي  .. |
|
|
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
العرض العادي
